Бүгін Шымкентте «Қош келдің, Жаңа жыл!» атты Президенттік жаңажылдық шырша мерекесі өтті. Мерекелік кешке балалар үйлерінің тәрбиеленушілері, ерекше қамқорлықты қажет ететін балдырғандар, көпбалалы отбасылардың балалары, сондай-ақ халықаралық, республикалық олимпиадалардың жүлдегерлері қатысты. 

 «Көрме» орталығындағы жаңа жылдық бағдарламада ертегі кейіпкерлері мен өнерпаздар қонақтарға әсерлі көңіл-күй сыйлады. Қала әкімі Ғабит Сыздықбеков ҚР Президентінің атынан балаларды Жаңа жыл мерекесімен құттықтап, ізгі лебізін білдірді.

 «Бірнеше күннен кейін Жаңа жылға жол беретін 2023 жыл еліміз бен сүйікті Шымқаламыз үшін табысты жыл болды. Қаламыз бұрынғыдан көркейіп, кемелдене түсті. Білім саласында да бірқатар жақсы жаңалықтар мен үлкен жеңістерге қол жеткіздік. 2023 жылы Мемлекет басшысы Қасым-Жомарт Кемелұлының тапсырмасы бойынша 12 жайлы мектептің құрылысы басталды, 3 мектепке жаңа ғимарат салынды, заманауи Оқушылар сарайы мен Өнер мектебі ашылды. Өздеріңіздей жас жеткіншектер халықаралық және республикалық зияткерлік сайыстарда 8 алтын, 18 күміс, 11 қола медаль алды, 3 бала әлем чемпионы атанды, биыл баскетболдан Үміт кубогын жеңіп алдық. Бұл кубокты біз 17 жыл күткен едік. Бұл тек негізгілері ғана. Сіздердің үздік оқуларыңыз бен өнегелі тәртіптеріңізді еліміздің дамуына қосқан үлестеріңіз деп білемін», — деді қала әкімі.

 Іс-шара барысында қонақтарға қаламыздың белгілі қоғам қайраткерлерінің бейне құттықтаулары ұсынылды. Жаңа жыл қарсаңындағы керемет кеш «Шырша жыры» әнімен шырқалып, көпшіліктің қатысуымен сазды ойындарға ұласты.

Шымкент қаласы әкімінің баспасөз қызметі

Саттар Ерубаев атындағы N24 ІТ мектеп-лицейінде кітапхана меңгерушісі Бұлбұл Күйшібаеваның ұйымдастыруымен «Поэзия падишасы-Фариза» тақырыбында 4 «Ж» сыныбы оқушыларымен мәнерлеп оқу сайысы өткізілді. Қазақ ақыны, халық жазушысы, журналист Ф. Оңғарсынованың шығармаларын оқып, өмір жолымен танысты.  Оның поэзиясы жарқын әрі мейірімділікке толы. Фариза Оңғарсынова-көркемсөз майданында ақын мен жазушыға тән ерлік, батылдық, адалдық, ұлтжандылық және адамгершілік секілді қасиеттердің биігінен көрінген ақын. Ақынның өлеңдері кейінгі ұрпақты ерлікке,  нәзік болуға, туған жер мен адамзатты сүюге апаратын жол іспетті. 

Жас буынды жан-жақты дамытуды көздейтін ұлттық деңгейдегі бірегей бағдарлама аясында 8 ай бойы жеті бағыт бойынша тапсырма орындап, білім мен шеберлігін жетілдіріп, спорт, таланттар мен дағдылар, кітап оқу, Ұлттық мұра, волонтерлік, экспедициялар мен жорықтар, еңбек практикасы бағыттарын бағындыра білген Шымкент қаласы Саттар Ерубаев атындағы №24 ІТ мектеп-лицейінің  9-сынып оқушысы ҚАППАР ШҰҒЫЛА «Елбасы медалінің» Қола медаліне ие болды. Келесі кезеңдегі Күміс, Алтын медальдерге жетуге тілектеспіз! Жарайсың, Шұғыла! 

Жетекшісі Пазилова Сулушаш Жалгасовна.

Саттар Ерубаев атындағы 24 мектеп-лицейінің 2 з сынып оқушыларының жаңа жылдық мерекеге арналған тәрбие сағаты.

#оқушылар Шымкент Оқушылар Сарайы Шымкент Қаласының Білім Басқармасы Балалар Орталығы Тәрбие Департамент Шымкент Дарыны Шымкент Қаласының Әдістемелік Орталығы

Саттар Ерубаев атындағы N24 IT мектеп-лицейінде 8,9,10 сыныптың қыз балаларына “Ерте жүктіліктің алдын алу”, “Қыздар сұлу көрінер қылығымен” тақырыбында қыздар жиналысы өтті. Жиынға “Sunkar Premium" емханасының гиниколог маманы Мүсір К.Б, Шымкент қаласының салауатты өмір салтын қалыптастыру орталығының маманы Багиярова Т.Қ, ДТІЖО Анартаева Н.М, мектеп медбикесі Алхарова Г, мектеп  психологтары Усенова Ж.Ж, Ногайбекова М.Т қатысты. 

"Sunkar Premium" емханасының гиниколог маманы Мүсір К.Б «Репродуктивтік денсаулық»  және «Қыз бала гигиенасы»    туралы  түсіндірме  жұмыстарын  жүргізді. Мектептегі жасөспірім қыздарға медициналық қызметкер ретінде кеңестер ұйымдастырды, қыздардың сұрақтарына жауап берді, осы тақырыпқа байланысты слайд, бейнероликтер көрсетті.

Мектеп психологтары «Ерте жүктіліктен қалай сақтануға болады? Ерте жүктілік немен қауіпті?, - деген сауал төңірегінде ой қозғап, 8,9,10 сынып қыздарымен пікір алмасты. Жасанды түсік — болашақта бала сүю мүмкіндігін төмендететіні, яғни бедеулікке апарып соқтыратыны, жасанды түсік жасататын қыздардың 30 пайызы онкологиялық, гинекологиялық ауруларға шалдығатыны туралы айтып өтті.

     Шымкент қаласы білім басқармасына қарасты Саттар Ерубаев атындағы N24 IT мектеп-лицейінің директоры Ж.Т.Нысанбаева, директордың тәрбие ісі жөніндегі орынбсарлары Н.М.Анартаева, С.Т.Тунгишбаев,  мектеп инспекторы И.Б.Ержанұлы барлық сыныптарға жаңа оқу жылы қарсаңында балалардың қауіпсіздігін қамтамасыз ету мақсатында түсіндірме жұмыстарын жүргізді. 

    Мектеп-лицей директоры Нысанбаева Жанар білім алушыларды жаңа оқу жылымен құттықтап,  оқушылардың таңғы уақытта сабақтан кешікпей келуін, міндетті мектеп формасын сақтауын, мектептің ішкі тәртіп ережісін түсіндіре отырып, мектеп ауласындағы бейне камералардың тұрақты жұмыс жасап тұрғандығын айтып,  балалардың қауіпсіздігі басты назарда екенін жеткізді. 

     Мектеп инспекторы И.Б.Ержанұлы жасөсіпірмдер арасындағы құқықбұзушылық пен әлімжеттіліктің алдын-алу, жол жүру ережелерін сақтау, оқушылардың жаяу жүргіншілер жолағынан өтерде қауіпсіздік ережелерін сақтау  мәселелері бойынша кең ауқымды түсіндірме жұмыстарын жүргізді. 

Саттар Ерубаев атындағы N24 IT мектеп-лицейінде  мектеп табалдырығын алғаш   аттағалы отырған бүлдіршіндер үшін "МЕКТЕБІМ-МЕЙІРІМ МЕКЕНІ” атты салтанатты жиын өткізілді. 

Салтанатты жиынға Ы.Алтынсарин атындағы төсбелгі иегері, Қ.Р. Білім саласының құрметті қызметкері медалінің иегері Ұ.Ә.Есім, Қамқоршылық кеңесінің төрағасы, “Хилует”  қоғамдық қорының директоры Ж.Ш.Омаров, Шымкент қаласы маслихатының экс депутаты, жеке кәсіпкер Қ.М.Сүлейменов, ЖШС Су ресурстары маркетингі, қоғаммен байланыс бөлімінің жетекшісі  З.А.Уралбаева, Еңбекші аудандық аумақтық сайлау комиссиясының төрағасы  Ж.С.Қамбаров, Еңбек және тыл ардагері Ө.Абдрайымов қатысты. 

Келген қонақтар педагогикалық ұжымды және мектеп оқушыларын, әсіресе бүгін мектеп-лицей табалдырығын аттағалы отырған 1 сынып оқушыларына жылы лебізін білдіріп, жаңа 2023-2024 оқу жылымен құттықтады.

Барлық сыныптарда ҚР Оқу-ағарту министрлігінің тұжырымдамасы негізінде "Мектебім-мейірім мекені" атты сынып сағаттар ұйымдастырылып өткізілді.